माझ्याबद्दल …

बरेच ब्लॉग्स वाचून वाटल आपलाही असावा एखादा.म्हणतात ना एकदा पाण्यात पडल की आपोआप पोहायला येते  म्हणून टाकली उडी ब्लॉगच्या समुद्रात पाहुया पुढे काय होते ते.वाटल वेळ मिळेल तेव्हा मनाला वाटेल ते इथे लिहावे ( बघुया जमत का ते ) जरी कोणी नाहीच वाचले तर आपण तरी वाचू आपल मन या ब्लॉगद्वारे.ब्लॉग लिहायच तर पक्क झाल पण मग त्याला नाव काय दयायच हा यक्षप्रश्न पडला.आणि मला नेहमीच आकर्षण वाटणारया दवबिंदूचे नाव सुचले.आणि यूज़र आई डी बाबत नेहमी बॅड लक असलेल्या मला चक्क दवबिंदू नाव अवेलेबल मिळाल.असो देवाची कृपा.

“देवेनने देवाच्या देवळात दोन दिवस दिवा दाखवून ,दुर्वा देऊन देवाला दानपेटीत दान दिले , देवाने देवेंद्राला  ’दवबिंदु’  देवुन दानासाठी दाद दिली”

बर मी  देवेंद्र चुरी एक दवबिंदू …एक भटका,खादाड,पाउसवेडा,सिनेरसिक,आळशी, कधीतरी झटका आल्यावर चारोळ्या-कविता लिहणारा….आपल्या वाटयाला आलेल्या प्रत्येक क्षण आनंदाने उपभोगणे असा काहीसा माझ्या जीवनाचा मूलमंत्र आहे(हर पल यहाँ जी भर जिओ,जो है समा कल हो ना हो..).हा दवबिंदू ठाणे जिल्ह्यातील  बोईसर मध्ये राहतो.तारापुर अणुशक्ति केन्द्रात प्रचालन विभागात तंत्रज्ञ म्हणून कामाला आहेमराठी पुस्तक वाचणे,गाणी ऐकणे,भटकणे आणि ब्लॉगवर काहीतरी खरडत राहणे, हे माझे मुख्य छंद…

दवबिंदु…ज्याला स्वत:च अस अस्तीत्व नसते…जीवन मिळते तेही क्षणभंगुर…तरीही तो असेपर्यंत चैतन्याची उधळणच करत असतो…आपल्या वाटयाला आलेल्या प्रत्येक क्षणाला तो आनंद वाटत असतो…आकाशातील इंद्रधनुला साद घालतानाही आपली मातीची ओढ कायम ठेवतो…आणि म्हणुनच आपल्या अल्पश्या आयुष्यातही तो खुप जगतो आणि आपली आल्हाददायक छाप मागे सोडतो…मी हा असाच हया ब्लॉगविश्वातील एक ’ दवबिंदु ’  …..(बनण्याचा प्रयत्न  )

या ब्लॉगला भेट दिल्याबद्दल धन्यवाद…!!